سمعت قافٍ شعى قلبي وتفكيري= قـافٍ تولعت في طرقه وعناني
أغلا من المأس وكنوز الدنانيري=والا عقود الذهب في وسط ميزاني
صافي ولا خلط ابه فضه وقصديري=سبايكه ماعرضها كل دكاني
والا كـمـا البـن بحـلـوق المباهيري=فنجال كيفه يكيف كل ضرماني
شعرٍٍ بيوته مثل ضرب البواتيري= من ندَر أفكار فكرٍ شردً وسماني
أقـو مـن حـد سيف كليب والزيري=إليا هوا في صميم العظم شاماني
غنوبه إللي لهـم حشـمه وتقديري=والله رفع قدرهم عن كل حقراني
في طيبهم ماخبر نقصٍ وتقصيري= والمرجله كسبهم من ماض الازماني
طـبعٍ لبوخـالـد أللي جاد بالخيري =شيخٍ تعـلا سـوات سـهيـل لابــاني
راسه ملته القرامه والسعاطيري=لو لان صم الحـديد الصلـب مـالاني
حـــرٍ شهـر لين بعد فـالمـشـاهيـري=من فوق متن السحاب وغرالامزاني
ماشبك بالسبق في حكم الصقاقيري=له في علو الجبال السمر مسكاني
صيده جوازي ولا صاد العصافيري=وعشى بقيه عشاه الذيب سرحاني
ولوكل طيراً معه جنحان ويطيري=ماياصل اللي وصلـه طيـر حوراني
حيث النـوارد فـصيلتهـن نــواديــري= لـو كـل طيـر معــه مخلـب وجنحاني
ويعيش مـن لـه على العليا منابيري=في قمـة المجـد لـه مـنزل وعنـواني
اسعود وجه السعد حسن التدابيري= دايـم علـى الطايله حرصٍ وعجلاني
راعـي جهـام تسـر إبها النواظيري=وضحٍ تشادي الـبـرد مـع كـل هتاني
يرعابها الواد الاسود صبح وعصيري=فـي غبـةٍ بـيـن عشـب وبين غـدراني
جايا ًلعـشـبـه مـع الفيضـه نـواويـري= ولا جرحه جرت الرعـيان والضـانـي
يرعابه اللي ظهرها كنه النيري= واما النحر باب شيخٍ جاه ضيفاني
ومع طول نسنوسها هزع المواخيري= مــــتقدمة غـــارـبن شامـخ وسنداني
فهق الاذاني وسيعات المناخيري= وسبالها واللحي اعراض وازياني
هذي وصايف بعيدات المحاديري= والمدح تستاهلــه حلوات الالباني
ماجت عطيه حسب حكم المقاديري=الا مـن الاحمرين بغال الاثماني
في قصر شيخً مايحسب للمخاسيري=والطيب ورثه من الشايب ضحياني
من روس قومٍ يقودون الطوابيري=كم شيخ قوم عليهم علـق العاني
لاجــاء نهـارٍ لـدخـانـه معـاصـيـري=ونادى المنادي ماغير اليوم ذا ثاني
يـالاد جـغـثوم مــاعـنهـا مـعـاذري=يادرع جنبي ليا من النظر شاني
كـلا تعـزوى ولـبـى بـالـتـبـاشـيـري=بـاالـعزوه أللي تقعشر منها الابداني
لخيولهم من كثر دك الحوافيري=تشوف فالارض زلزالا ًوبركاني
من فعلهم يشبع السرحان والطير=حتى يرد الخبر في كل الاوطاني

قصيده رائعه من شاعر رائع
ومتمكن من ادواته الشعريه

ابوسعود ماهي غريبه عليك فأنت شاعر وابن شاعر وجدك شاعر

واثق ان هذه القصيده عانقت مستوى التي جاريتها ويمكن تجاوزتها
ولو اننا نعتب عليك ماكتبت لنا قصيدة الدغافله اللي هيضتك وخلتك تصدح بهذه المزيونه

صح لسانك يابوسعود

ولاهنت


..

صحة السنة الدغافله

وصح لسانك يابن جسار القرفي

قصيده جميله ومستواها رائع



.

صح لسانك يابوســـعود

ماهي غريبه عليك

شاعر متمكن

الله يوفقك ويرحم من جابك



.

صح لسسان ششاعر القرووووووف
ماهو غريب عليك الابداع يابن جسسار

بيض الله وجهك

وصح لسانك يابن جســـار

قصيده جميله من شاعر جميل

لاهنت ..