حـفل ال جسّار بمناسة عتق رقبة سعود أبن الشيخ عبدالله بن جسّار

[مسلط بن عبدالله]

اقــام بني جســـار احــتفــالاً بهيج بمناســبة خروج أبنهم سعود بن عبدالله ال جســار سـالماً



ضم هــذا الحفـــل قبيلـــة القــروف بكامل فروعها تحـــت ســقف واحد في قــاعـة ســـمــر بمدينة الريــاض
وقــد تخــلل الحفل فقرات ممتعه جــداً .بداها احــد ابناء القبيله بقراءة ايات من القرأن الكريم .
ثم حديث عن الترابط بين المسلمين وخص القبيله بتناسي مابينهم من اختلافات في وجهات النظر وقد أثبتت قبيلة القروف تناسي الاختلافات في مثل هذا الميقاف الذي تهافتوا عليه قبل 4سنوات بأموالهم لإنقاذ احد ابنائهم مما هو فيه وهذا ليس غريب على قبيله لها تاريخ عريق يشهد به القاصي والداني


صورة المحتفى به سعود بين الحضور


http://algroof.com/JMHOR.jpg










http://algroof.com/JMHOR2.jpg





وتلى ذلك كلمة بني جسار القاها عنهم احد ابنائهم الشاب عبدالله بن مسلط بن جسارالقرفي

http://algroof.com/abdu.jpg


اضغط (http://www.algroof.com/gabilahspeech.mp4) هنا لمشاهدة الفديو
ثم اضغط فتح



حيث أتى فيها :-


بسم الله الرحمن الرحيم


والصلاة والسلام على رسول الله واله وصحبه وسلم

يشرفنا ويسعدنا تشريفكم حفلنا هذا . والذي نعتبره نحن ال جسار الميقاف الثاني للقروف


حيث كان ميقافكم الاول -عندما دعوناكم قبل مايقارب 4سنوات في اجتماع مثل هذا لجمع الرفدات وقد لبيتوا الدعوه وحضرتوا بأنفسكم وأموالكم وكان ميقاف مشرف يشــهد له عموم من ســمع بـه وهــذا ليس غريب على قبيلة القروف العريقـــه.


والميقاف الثاني - هــذه الليـلــه حــيث اتيـتوا ملبين الدعــوه وفرحــين بخـــروج ســعود وسلامتــه .
ونقدر متابعتكم وأهتمـــامكم وفرحكم بخـــروجــه سالماً وقـــد تلقــينــا أتصالات من كثير من القــروف يســـألون ويتابعــون بإهتمام بالغ . ويصرون على عمل حفل بهذه المناسبه السعيده.


وماهذه الحفله التي يقيمها بني عمكم ال جســـار في هذه الليله إلا لهدفين
الهدف الاول هو احتفالاً بخروج سعود ســـالماً

والهــدف الثاني تكريماً لكم لوقفتكم الصادقه وتقديمكم الغالي والنفيس معنا في تلك المحنه.

نســـأل الله أن يــديم الترابــط بين القــبيله ويزيـــل كل مايعــيق الترابــط بينهـــم إنه جـــواد كريم.

والسلام عليكم ورحمة الله



ثم تتالت القصائد المنبريه التي اعطت الحفل نشوة وحماس قوى من روح تلاحمها وترابطها
وبداها الشاعر مسلط بن سعود بن جسار بشيله بصوته الجميل ولحنه الرائع



http://www.youtube.com/watch?v=6maugYByxFM






ثم القى الشاعر جـزاء بن بجـاد القرفي
قصيده حماسيه صفق لها الحضور



http://www.youtube.com/watch?v=24PQBwiWGjs




للإستماع اضغط هنا (http://almobile.maktoob.com/org/uploads/8426885a3f.wav)


http://algroof.com/jeza.mp3


هلا يـا مرحبـا تعـداد مـا هبـت هبـوب النـود
وعـدد مـا لاح بـرّاق الخـيـال ودن رعــادي
***
هلا يا مرحبا باللي حضر فـي حلـة اهـل الجـود
تراحيـب الوفـا لاهـل الوفـا بالطيـب تــزدادي
***
وآلا يا ليل .. يا ليل السعد .. جعلـك علينـا تعـود
لبست من البها حلـه .. عليهـا نقـش الاعيـادي
***
على انفاسك .. مواويل الفرح .. تنثـر علينـا ورود
وتاخذنـا علـى كـف السعـاده .. والقمـر بـادي
***
وانا ما اقول : غير الله يمدك بالهنا ( يـا سعـود )
ويضحك لك زمانك .. وانت تـدري ويـش بفـؤادي
***
ولا انسى ماقف ( آلاد الحميـدي ) والبـرا مـردود
هل الميقاف .. عصبة راسـي المطنـوخ وزنـادي
***
رجال ٍ .. دونك اجتمعوا على غاية هـدف منشـود
جمعهم طيب راس .. وساس جمـر الطيـب وقـادي
***
رجال ٍ .. دونك ارخو من نفيـس المـال والمجهـود
الين الله .. كتب مـن زود فضلـه فـك الاصفـادي
***
رجال ٍ .. في نهار المعضله .. تثبـت ثبـات الطـود
تشيل الكايـدات .. وتضـرب القاسـي .. وينقـادي
***
على نهج السلف .. سار الخلف .. والحاقد المقـرود
يمـوت .. ولا لقالـه عندنـا يـا سعـود مقعـادي
***
سلالة .. من على يديهم .. شبع ذيب الخلا والـدود
تواريـخ الظفـر .. تعطـي إجابـة كـل نـشـادي
***
( ابن جسار مسلط .. والبعاج .. وهندي ابن حمود )
حـرار ٍ شيـدوا عـز ٍ تليـد وفخـر وامـجـادي
***
مداغيش الوغى .. واهل الوغى .. لا صك عود ٍ عود
على زرق ( الرماح العوج ) فـج نحـور واكبـادي
***
على كبد الصديق .. احلا من الما الصافي القرهـود
وعلى كبد العدو .. سـم ٍ ذحـاح وشـر وعنـادي
***
لهم في صفحة التاريـخ .. فعـل ٍ ثابـت ٍ مشهـود
متيهة البكـار .. اهـل القنـا والسيـف وجيـادي
***
حـرار ٍ بالشدايـد .. مـا تهـاب المـارد المـارود
تمـوت .. وتستميـت .. وعنـه مـاردن الاذوادي
***
إلى صكت .. وإلى ضكت .. عليهم يزبن المضهـود
ويبشـر بالفـرج .. يـوم الليالـي هـم وجهـادي
***
ملاذي .. عزوتي .. / باق القبايل مـا عليهـم زود
ومن يمـدح هـل الطـالات .. مـا ينْقـده نقـادي
***
زمان ٍ فات .. يوم ان الفتن شعلـه علـى البـارود
على باب المجاعـه .. يستريـح المـوت وينـادي
***
وحنّا اليوم .. من فضل الولي .. في ظل آل سعـود
جمعنا الدين .. وسلوم العرب .. وتـراث الاجـدادي
***
ولاء صادق .. شعب مخلص .. ملك متفاني ٍ محمود
وحنّا له علـى الشـدات .. نبيـع الـروح ونفـادي









والقى الشاعر شجاع البقمي قصيده رائعه صفق لها الحضور بحراره

للإستماع اليها اضغط هنا
http://algroof.com/shja3.mp3





وبعد القصائد المنبريه بدأت الامسيه الشعريه وكان مديرها الشاعر شجاع البقمي



http://www.gulfup.com/files/jpg/UU927613.jpg



القى كل شاعر عدة قصائد نختار لكل شاعر قصيده واحده لنضعها لكم هنا

بدأ بها الشاعر جزاء البقمي بقصيده جميله وتتالت بعده قصائد الشعراء المشاركين


ثم الشاعر عبدالعزيز السليس بهذه القصيده
للإستماع اضغط هنا (http://almobile.maktoob.com/org/uploads/a94188b295.wav)

http://www.gulfup.com/files/jpg/lnr27613.jpg




ثم الشاعر احمد بن عاصم بهذه القصيده
للإستماع اضغط هنا (http://almobile.maktoob.com/org/uploads/6b6771c6c6.wav)

http://www.gulfup.com/files/jpg/HDH27613.jpg





ثم الشاعر مسلط بن جسار بقصيده طويله شملت ذكر جميع قبائل البقوم وهي مكونه من 74بيت تم تسجيل بعض منها

http://algroof.com/gsidtalbgommuslat.mp3




وهي كالتالي:-





بديت بسـم الله عظيـم الجلالـي**الواحد الوالي علـى كـل والـي
***
الكامـل اللـي وافـيٍ بالكمالـي**سبحانه اللـي عالـم كـل ماكـان
***
سبحانه الخالـق جزيـل العطايـا**غافر عن عبـاده كبـار الخطايـا
***
جاعل نوايا النـاس مثـل المطايـا**اللي مشى بحسان جازاه بحسـان
***
من خيره الوافـر وعـزه سعدنـا**وعن طاعت الله مانقضنـا عهدنـا
***
وعم الآمـن بمـان ربـي بلدنـا**وعشنا بخير وعز وامان وإيمـان
***
في ضل حكـامٍ تحكـم الجزيـره**أل السعودأهل السيوف الشطيـره
***
همه ذرانا فـي الليـال العسيـره**يبقـون للأمجـاد رمـزٍ وعنـوان
***
تحت أمرعبـدالله ملكنـا المفـدى**أللي على نهـج الشريعـه تقـدى
***
الله يمـده طايـل العمـر مــدى**ويبقى لنا ذخرٍ وملجـى ومزبـان
***
ولـي عهـده طـول الله حيـاتـه**اللي صفات الطيب منبـع صفاتـه
***
عليه رضـوان الولـي وبركاتـه**سلطان خير وعاش للخيرسلطـان
***
وحنا قبايـل والمسمـى سعـوديبين** الدول اسم السعودي يـزودي
***
رفرف علمنافوق راس العمـودي**لغلاوطن وأطهروطن بين الاوطان
***
قبـايـلٍ ماكـنـنـا إلا قبـيـلـه**عشنا بخيـر وعزبأحسـن وسيلـه
***
الـدم واحـد ماأخلفتـنـا الفصيلـه**اخوان في ألاسلام والموطن اخوان
***
قلته وأنا ربعي ظهـور السوانـي**سموالبقـوم امعربيـن المجـانـي
***
تاريخهـم يشهـد عليـه الزمانـي**بين وواضح كنـه الصبـح لابـان
***
سهوم المنايا في نحـور المعـادي**أهل الشلافي والسيوف الحـدادي
***
افعالهم صبحٍ على الكـون بـادي**واللي طمع فيهم بلاشك خسـران
***
ياللي جهلت افعولهم جيت اخبرك**عينت قوم الترك من دوله التـرك
***
كم واحدٍ منهم من اسيوفنـا تـرك**عشى السباع الجايعه وسط ريحان
***
ولي الفخـر بالعـزوه الصيرميـه**كسابة الطـالات فـي كـل هيـه
***
خيالهـم يـارد لحـوض المنيـه**لاجـاء نهارٍثـور العـج دخـان
***
اسـمٍ جمعنـا والفصايـل عديـده**للطيب نبنـي والمواقـف رشيـده
***
وأفعالنـا وقـت الملاقـا جويـده**علمٍ مثبـت لـه دلايـل وبرهـان
***
مابين وازع عزوتـي والمحاميـد**تسلسل انساب الرجـال الصناديـد
***
أسمين راسيتٍٍ مثـل شمـخ البيـد**والاسم الاول ينتمى يـم قحطـان
***
منٌا البضاعات الشيـوخ المسمـاه**أهل الكرم والعز والطيب والجـاه
***
واهل الشلافي والسيوف المحنـاه**تلطم ولاتلطم علـى كاينـن كـان
***
ولاد الحميدي متعبيـن الاصايـل**لاجـاء نهارٍفيـه للخيـل صايـل
***
مثل الحرار اللـي قليلـه فصايـل**وخيالهم كنه على الموت ضرمـان
***
عـن ماقفـه مابعدتـه الظروفـي**يبيـن فعلـه والخلايـق تشوفـي
***
فعلاٍ تنومسبـه جميـع القروفـي**يستاهلون المدح ذربيـن الايمـان
***
ومنـا أرحمـان ونعـم بلادنامـر**سقم المعادي ماتهـاب المخاطـر
***
تاريخهم بالعـز والمجـد عامـر**اهل المواقف ليااحتمى كل ميـدان
***
وألاد مريـح محتميـن التـوالـي**ريف الضعيف مزبنه كـل جالـي
***
واللي شكى من مـر سودالليالـي**والنعم بالريحات في كل الازمـان
***
ومنا هل الطارف كعـام المعاديـن**اللابه اللي في الملاقـا سلاطيـن
***
اللي على كسب الصعيبات ضارين**سميان لاعدو هل الفعـل سميـان
***
ولادالكريزي متعبة سبـق الخيـل**تشهد لها الاجيال جيلٍ بعـد جيـل
***
عدوهم شـاف العنـا والغرابيـل**كرزان لاعدو هل الخيل كـرزان
***
والاد داهـم محتميـن المظاهيـر**لاجاء الطراد وثـورٍ المعاصيـر
***
عدوهـم تكثـر عليـه المخاسيـر**فرسان لاعدو وأهل سرج وعنـان
***
ومنا هل الميقاف في ساعه الضيق**اللي على الطالات دايـم سوابيـق
***
تلقى الظفر والطيب عندالمرازيـق**غير الكرم والطيب بالفعل شجعان
***
ومنـا هذيـل مبعديـن الهقـاوي**أفعالهـم يـروي بهـا كـل راوي
***
وعدوهم يونس علـى الكبـد لاوي**ياشين حظ اللـي يعاديـه هـذلان
***
والادمورك دون تحديـد وأقسـام**متوارثين الطيب عـامٍ بثـر عـام
***
تبقى مواقفهم على طـول الايـام**للمرجلـه تـاجٍ وللخيـل فرسـان
***
ومنا الرواجح ذكرهـم دوم ناجـح**وميزانهم بالطيـب والخيرراجـح
***
يستاهلون المـدح كـل الرواجـح**أللي على العليا تفـادي بالابـدان
***
وأسم الدغافـل شامـخٍ وأمتعلـي**بين النجـوم اللـي علينـا تطلـي
***
وأفعالهـم صـورٍ بظلـه يظلـي**وايضا الجنيبـي لابـةٍ شانهاشـان
***
ومناالفضول أهل السيوف الصقيله**لاشبـت الشعلـه بـراس الفتيلـه
***
قبيلـةٍ ياحيـهـا مــن قبيـلـه**رجالهم يقدم على الموت دجـران
***
ومنا هل النخوات والفعل مشهـود**اللي فعايلهـم بهـا العلـم ماكـود
***
كسابـت الطـالات ألاد قـرمـود**ومجالس الظفران مدهال ظفـران
***
والنعم والله في رجال الرماضيـن**اللي على الفعل الطليق امتواصين
***
أفعالهم تعـرف بوسـط المياديـن**فازو بفعل الطيب من دون نقصان
***
واسم الدميني والجحيشـي تعـلا**أسم على كسـب المراجـل تـولا
***
أسيـوف هنـدٍ للحرايـب تسـلا**وعدوهم قدامـه السيـف شامـان
***
ومنـا بنـي قـواد للجيـش قيـاد**اللي مواقفهم على روس الاشهـاد
***
تاريخهم يحمل بطـولات وأمجـاد**ولاقيل قوادي خسى كـل شيطـان
***
ومنا البدارى منبع العـز والطيـب**ستر الضعيف مكملين المواجيـب
***
أفعالهـم مادنسـت بالعـذاريـب**يبقون سقمٍ في نحر كـل عـدوان
***
وأن قيل جعثونـي بعـز ومهابـه**عدوهـم يبطـي قـويٍ صـوابـه
***
لابة فخرتشهـد لهـا كـل لابـه**والعلم مايثبت بلاشهـود واعيـان
***
وياكـم لابـه تنتمـي للكليـبـي**في ساعة الماقف عنـه ماتغيبـي
***
سمٍ وسقمٍ فـي عيـون الحريبـي**من دون ماحددهم أفخـوذ وبـدان
***
ولافيه قاصر في جميـع القبايـل**قبايـلٍ ولكـل منـهـم فعـايـل
***
وتاريخهم يحفـظ جميـع الدلايـل**ماينمحي يبقى على طول الازمـان
***
وصلاة ربـي عـد منشـا خيالـه**على رسـولٍ مرسلـه بالرسالـه
***
داعـي لديـن الله بحـق وعدالـه**واللي تبع دينه يجازى بالاحسـان






وتتالت القصائد في هذه الامسيه كل شاعر قصيده حسب تنظيم مديرها الى ان انتهت

ثم قام الشيخ مسلط بن عبدالله ال جسار بتكريم الشعراء المشاركين وتسليمهم دروع تذكاريه بهذه المناسبه

http://algroof.com/mslt.jpg


الشاعر مسلط بن جسار يتسلم الدرع التذكاري من يد الشيخ مسلط بن عبدالله ال جسار




http://algroof.com/jeza.jpg



الشاعر جزاء البقمي يتسلم الدرع من الشيخ مسلط بن عبدالله ال جسار


http://up.s77.com/upp06/d78fb44b05.jpg

الشاعر شجاع البقمي يتسلم درع تذكاري من يد الشيخ مسلط بن عبدالله ال جسار

http://www.gulfup.com/files/jpg/TDC28308.jpg
كذلك الشاعر عبدالعزيز السليس يتسلم درع تذكاري

http://www.gulfup.com/files/jpg/F5r28308.jpg
والشاعر احمد بن عاصم يتسلم الدرع التذكاري

http://www.gulfup.com/files/jpg/3eo28308.jpg
الشاعر عاضه البقمي يتسلم الدرع التذكاري




وفي نهاية الحفل تم تقليط الضيوف لتناول العشاء .
http://up.s77.com/upp06/d962237224.jpg
http://up.s77.com/upp06/ef68e43fdb.jpg

http://up.s77.com/upp06/45a71ecbf4.jpg

[حابس العبرات]

ماهي غريبة على عليهم وهذا فعلهم من قديم الازمان


الله يعطيك العافية على النقل الرااايع

[خيال الشرفا !]

ابيض وجــه يالغالي ع التغطية المميزهـ ..

تقبل مروري ..

[فهد الراجحي]

الحمد لله على خرووجه سالماااااااااااااا
والف مبروووووووووووووووووووووووووووووووووووووك للقروووووووووووووف كااااااافة

ومنا الرواجح ذكرهـم دوم ناجـح**وميزانهم بالطيـب والخيرراجـح
***
يستاهلون المـدح كـل الرواجـح**أللي على العليا تفـادي بالابـدان

وصح لساااااااااااااان الشاااااااااااااااااااااااااعر وبيض الله واجه كااتب المووضوووع

[إبن مسلط]

الحمدالله على سلامتك ياسعود
وبيض الله وجيهكم يابني جسار
وشكر خاص لك يامسلط ابن جسار وصح السانك

[حاتم النجيمي]

حمدالله ع السلامه ياسعود وبيض الله وجيه بني جسار وجعلها في ميزان حسناتهم

[خبير]

الله عليكم

مبروك خروج اخونا سعود بن عبدالله بن جسار

وماقصرتو في الحفل الجميل


اتمنى تعيدو وضع الصور و الملفات الصوتية لأن اغلبها ملغية

[الجزلاني]

الحمدلله على سلامة سعود

وياليت تحطون الروابط مره ثانيه

وبيض الله وجيهكم على التغطيه الرائعه



.

[البقميه]

الحمدلله على سلامة ابن الشيخ عبدالله بن جسار

الله يجزى من سعى في تسوية الامور كل خير


.

[محب القروف]

الحمدلله على سلامة ابن الشيخ عبدالله بن جسار

[لـطـام]

الحمد لله على سلامة سعود

وهذي شيلة الشاعر مسلط بن سعود
بهذه المناسبة

http://www.youtube.com/watch?v=6maugYByxFM

[صـدى آلحرمـآن]

ابيض وجــه يالغالي ع التغطية المميزهـ ..

تقبل مروري ..

ولا هنت آخوي