القرفي البقمي
04-12-2009, 10:30 PM
قصيده في وصف الربيع / للشاعر سهل نايف الكسر العتيبي
أنا هواي شف بالي ياخو نوف = سودٍ وبرها زايدٍ بالسوادي
لاجيتها صدري من الهم مكتوف = كني بليلٍ من ليال العيادي
خصً ليا جا للهافاهيف هفهوف =وقام السويبع للمنادي ينادي
ليا أمست ليا فيها حسوفه وحاسوف = وليا أصبحت قامت تحراء المقادي
والبرد تونس له مع الصبح لاهوف= وقام الجمل يزنف ليال الهدادي
أول هداده في بكارٍ لها شعوف = ليا بركت قام يهجدها هجادي
حرصً على المحدار لو جالي ظروف= لاشفتها قامة تخبط القرادي
تم المحول ولا لنا عنه صاروف = ثم قلت قم يافهيد مس الشدادي
يا ماحلا لا قالوالبرق مشيوف= وجات العلوم وكل علمٍ وكادي
أول هماليل المطر جالها ضيوف =واستبشرة منها ربوع البلادي
نونٍ يقود من أدهم المزن مردوف= لوامعه مثل السيوف الحدادي
سيله يخلي عالي الحزم منتوف = ويفيض منه ليا انحدر كل وادي
حول على الصمان مثناه وطروف= وجيانه اللي ينبتن العرادي
وليا زهم عشبه وجا فيه نفنوف= وقامت تلافت له وجيه البوادي
وعسوسهم قامت تلوف الوطى لوف= تمعطو بيض الجيوب الجدادي
حول مع العتبان سبعان وقروف= وبدو قحطان معيلين الطرادي
تخلعو مع نجد طوفٍ وراء طوف= يمشون في مشهات قطم التوادي
بدوٍ دبشهم لازمى كنه اقنوف= نون تخالطبه بياض وسوادي
مثل الغيوم ليا زمتلك على الشوف= ويشعف نظيرك كل سودً سنادي
سودٍ عضام لحيها كنها اسيوف = مرق غواربها لحمها متقادي
تجذب مناكبها بكيعان وخفوف= لا جنحبت قامت تحذف الايادي
هفو مع المشقر على جال حنتوف= يقدا لهم عن تايه الدرب قادي
ركبو نفودٍ جالها صدر وكتوف = ثم حولو منها حدورٍ قصادي
مالو على عشبٍ فياضه لها زوف= عموده البسباس وأرضه جلادي
خيامهم لاشيدت جالها أرفوف= مثل الهضاب ليا زمت بالحمادي
خذو لهم قامات والعفش مجعوف =جاين لنيران البوادي رمادي
لقو لهم مقبل ومشهاه وشفوف= والزود شفته بالمشاكير بادي
وليا مضى خمسين ليل ولها طوف= جاللضهور حجوز مثل الهوادي
سحج الفطير الجنف جايلها دفوف= واللي عليها حال من قبل زادي
ثلاثة أشهر وسم وأسماك وعطوف= ومن عقبها توحي على الماء منادي
ملو ليا جا للطواليع حافوف =والبل قزت قامت تعادا تعادي
وأن كان قالو عالية نجد مصيوف= وأدناه من خشم الينوفي وغادي
صيفً رهجله راس عبله وشفشوف = أكبر نصيه من فروخ الكدادي
تمزعو عجلين والدرب معروف= متنحرين مجرهدات الريادي
كلً على حب المسانيد مشعوف= تزبنو دارن هواها برادي
زهابهم فوق الحناتير ملفوف= وقامو يبارون الدبش يوم قادي
أناستن ماينتوصف لها أوصوف= يطرب لها شرس الرجال الحيادي
وأن كان شفت من الغطاريف غطروف= نجلاً مخاذعها تمت الفوادي
ليا عرضت منكب وعاتق وسرجوف= والصدر والذرعان والبطن غادي
وليا أقفت لاهي مغير سيقان وأردوف= هذيك ياصنيتان ناقة شدادي
ولاشافة اللي متبي لشوفته شوف = راع العلوم الخايعه والفسادي
كنه على طرد السمارات مكلوف= ليا شاف له ريغه يجيك متحادي
وليا عتليت براس ضلعً له أقيوف =عدل الكتوف وزاميً له ثنادي
غنيت لو جالي عن الشعر صادوف = وجا للقصايد بالمبادي قوادي
لو كان عاصفني من الهم عاصوف= يقدح بكبدي مثل قدح الزنادي
دنياً محاسنها ملذات وشفوف= والا تراها كلها للنفادي
عينت شيخانً تذري عن الخوف= روس الرجال منزحين المعادي
أهل الرماح اللي مضاريبها الجوف= لبست عليهم كل عذراً حدادي
وتم الكلام وراس معناي مكشوف = وعسا البلاد بخير والجو هادي
وصلو عدد ماهب للصيف عاصوف= على رسولٍ مرسلن للعبادي
والسلام عليكم ورحمة الله وبركاته
منقوله من منتديات المرقاب
أنا هواي شف بالي ياخو نوف = سودٍ وبرها زايدٍ بالسوادي
لاجيتها صدري من الهم مكتوف = كني بليلٍ من ليال العيادي
خصً ليا جا للهافاهيف هفهوف =وقام السويبع للمنادي ينادي
ليا أمست ليا فيها حسوفه وحاسوف = وليا أصبحت قامت تحراء المقادي
والبرد تونس له مع الصبح لاهوف= وقام الجمل يزنف ليال الهدادي
أول هداده في بكارٍ لها شعوف = ليا بركت قام يهجدها هجادي
حرصً على المحدار لو جالي ظروف= لاشفتها قامة تخبط القرادي
تم المحول ولا لنا عنه صاروف = ثم قلت قم يافهيد مس الشدادي
يا ماحلا لا قالوالبرق مشيوف= وجات العلوم وكل علمٍ وكادي
أول هماليل المطر جالها ضيوف =واستبشرة منها ربوع البلادي
نونٍ يقود من أدهم المزن مردوف= لوامعه مثل السيوف الحدادي
سيله يخلي عالي الحزم منتوف = ويفيض منه ليا انحدر كل وادي
حول على الصمان مثناه وطروف= وجيانه اللي ينبتن العرادي
وليا زهم عشبه وجا فيه نفنوف= وقامت تلافت له وجيه البوادي
وعسوسهم قامت تلوف الوطى لوف= تمعطو بيض الجيوب الجدادي
حول مع العتبان سبعان وقروف= وبدو قحطان معيلين الطرادي
تخلعو مع نجد طوفٍ وراء طوف= يمشون في مشهات قطم التوادي
بدوٍ دبشهم لازمى كنه اقنوف= نون تخالطبه بياض وسوادي
مثل الغيوم ليا زمتلك على الشوف= ويشعف نظيرك كل سودً سنادي
سودٍ عضام لحيها كنها اسيوف = مرق غواربها لحمها متقادي
تجذب مناكبها بكيعان وخفوف= لا جنحبت قامت تحذف الايادي
هفو مع المشقر على جال حنتوف= يقدا لهم عن تايه الدرب قادي
ركبو نفودٍ جالها صدر وكتوف = ثم حولو منها حدورٍ قصادي
مالو على عشبٍ فياضه لها زوف= عموده البسباس وأرضه جلادي
خيامهم لاشيدت جالها أرفوف= مثل الهضاب ليا زمت بالحمادي
خذو لهم قامات والعفش مجعوف =جاين لنيران البوادي رمادي
لقو لهم مقبل ومشهاه وشفوف= والزود شفته بالمشاكير بادي
وليا مضى خمسين ليل ولها طوف= جاللضهور حجوز مثل الهوادي
سحج الفطير الجنف جايلها دفوف= واللي عليها حال من قبل زادي
ثلاثة أشهر وسم وأسماك وعطوف= ومن عقبها توحي على الماء منادي
ملو ليا جا للطواليع حافوف =والبل قزت قامت تعادا تعادي
وأن كان قالو عالية نجد مصيوف= وأدناه من خشم الينوفي وغادي
صيفً رهجله راس عبله وشفشوف = أكبر نصيه من فروخ الكدادي
تمزعو عجلين والدرب معروف= متنحرين مجرهدات الريادي
كلً على حب المسانيد مشعوف= تزبنو دارن هواها برادي
زهابهم فوق الحناتير ملفوف= وقامو يبارون الدبش يوم قادي
أناستن ماينتوصف لها أوصوف= يطرب لها شرس الرجال الحيادي
وأن كان شفت من الغطاريف غطروف= نجلاً مخاذعها تمت الفوادي
ليا عرضت منكب وعاتق وسرجوف= والصدر والذرعان والبطن غادي
وليا أقفت لاهي مغير سيقان وأردوف= هذيك ياصنيتان ناقة شدادي
ولاشافة اللي متبي لشوفته شوف = راع العلوم الخايعه والفسادي
كنه على طرد السمارات مكلوف= ليا شاف له ريغه يجيك متحادي
وليا عتليت براس ضلعً له أقيوف =عدل الكتوف وزاميً له ثنادي
غنيت لو جالي عن الشعر صادوف = وجا للقصايد بالمبادي قوادي
لو كان عاصفني من الهم عاصوف= يقدح بكبدي مثل قدح الزنادي
دنياً محاسنها ملذات وشفوف= والا تراها كلها للنفادي
عينت شيخانً تذري عن الخوف= روس الرجال منزحين المعادي
أهل الرماح اللي مضاريبها الجوف= لبست عليهم كل عذراً حدادي
وتم الكلام وراس معناي مكشوف = وعسا البلاد بخير والجو هادي
وصلو عدد ماهب للصيف عاصوف= على رسولٍ مرسلن للعبادي
والسلام عليكم ورحمة الله وبركاته
منقوله من منتديات المرقاب